Vawiin khan NLUP Implementing Board Vice Chairman Pu P.L. Thanga hovin NLUP line department hotute leh Nodal Officer te chu NIB conference hall-ah an thu khawm a. NLUP Phase II leh Phase III tanpuina sem chhuah dan tur an rel ho.
August 7 hian Mizoram pumah NLUP Phase II tanpuina sem runpui neih a ni dawn a. Aizawl ah chuan Chief Minister hovin Vanapa Hall-ah chhun dar 11 ah programme buatsaih a ni a. Hemi rual vek hian district khawpui zawng zawng ah te, SDO(C) leh Block headquarters ah te pawh NLUP Phase II semna programme hi hman a ni dawn a. Minister te, Parliamentary Secretary leh MLA ten an hmanpui thung dawn a ni.
NLUP Phase II tanpuina hi August thla chhunga sem zawh hman turin ruahman a ni a. September chawlhkar tirah Phase III tanpuina sem ve leh turin ruahman a ni bawk a. Hetih lai hian Phase IV beneficiary te tan pawh NLUP thuneitute rem tihna anga ruahmanna siam tur a ni.
