Vawiin khan State Election Commission (SEC) Secretary, Pu H. Darzika pisaah Chakma Autonomous District Council (CADC), Lai Autonomous District Council (LADC), Mara Autonomous District Council (MADC) leh CADC a village council 14 siamthar a by-election neih tur leh LADC village council inthlanna neih tur chungchang sawiho a ni.

He meeting-ah hian CADC, LADC, MADC leh CADC a village council 14 siamthar a by-election neih tur leh LADC village council inthlanna neih tur a Electoral Rolls ennawn hun tur leh inthlan ni tur te sawiho a ni a. CADC a village council siamthar 14 te chu by-election nei lovin Village Council awmsa te nen a ruala inthlanna neih nise ti a rel a ni. Heng bakah hian Lai Autonomous District Council (Election to Village Councils) Rules, 2011 leh Lai Autonomous District Council (Constitution, Conduct of Business) Rules, 2002 siamthat rawtna te sawiho a ni.

Tun MLA inthlanah khan Pu C. Ngunlianchunga, LADC CEM nilai, Dr. B.D. Chakma, CADC CEM nilai leh Pu Hiphei MADC Chairman nilai te MLA a thlan tlin an nih tak avangin by-election neih a ngai ta a ni.

He meeting hi Pu H.Darzika, Secy. SEC in kaihruaiin, LADC leh CADC LAO te, DC Lawngtlai leh District Council Affairs Department aiawh te an tel a ni.