Serchhip District Bawrhsap, Pi Juhi Mukherjee, IAS chuan Halpuah leh halmawi-te hian nasa takin mihring hriselna a tichhiat theih avang te, boruak a tih bawlhhlawh mai bakah bengchheng a siam a, tul lova sum khawhralna a nih bawk avangin Serchhip District mipui ten hriselna tha tak an lo neih theih nan leh Krismas leh Kumthar hlim taka an hman theih nan Sec. 144 of Cr.PC, 1973 (Act. No. 2 of 1974) in thuneihna a pek angin Dt. 13th December, 2013 khan hetiang hian thupek a tichhuak.
"Serchhip District huamchhungah Kum 2013 Krismas leh Kumthar 2014 vuakvetah halpuah, halmawi leh puakthei thil dang, boruak thalo siam thei leh ri bengchheng siam chi reng reng lakluh, zawrh, hralh, hal leh hman khap tlat a ni."
He thupek hi Security Force, Para-Military Force leh mipui mimir zawng zawngte tumah thleibik awm lova zawm vek tura hriattir an nih thu he thupek ah hian tarlan a ni bawk.
