No.7230/2020-2021
Tuhnaia Avian Influenza (Bird Flu) leng mek chungchangah mipui te kan fimkhur tlan theih nan a hnuaia tarlan ang hian AH & Vety Department chuan thuchhuah a siam.
Kan hriat theuh angin India ram State sawm (10) ah Avian Influenza (Bird Flu) a leng mek a, ar leh sava tam takin an thih pui tawh a ni. Europe-ah pawh ram sawm (10) ah he hri hi a leng a, tun hnai maiah South Korea leh Japan-ah a leng tih finfiah a ni bawk.
He hri hi khawvel pumpuiah a darh zel ang tih a hlauhawm a, chu mai bakah he hri hi mihringa Flu Pandemia thlen thei mai tura ngaih te zinga mi a ni.
Chuvangin, Avian Influenza (bird flu) hi kan rama a lo luh ve loh nan invenna pakhat atan ar, ar note, artui leh ar chaw chi hrang hrangte A.H. & Veterinary Department hriatpuina leh phalna nei tan chauh lakluh theih a ni ang. He khuahkhirhna hian thu leh awm hma chu a huam ang.
