Students’ Outlook Magazine buatsaihin vawiin khan I & PR Auditorium-ah Career Guidance Programme ‘Awareness on All India Level Entrance Examination’ neih a ni a. Pi Malsawmthangi, Director, SCERT chu khuallian a ni.

He hunah hian Aizawl khawpui chhunga School hrang hrang atangin Science zirlai, Medical leh Engineering lama kal tumte chu chawhnu leh chawhma hunah inthenin an kalkhawm a,heng zirlaite hnenah hian Mizoram Quota chauh ni lo, All India Level-a Entrance hrang hrang awmte hmanga Medical leh Engineering zir dante kawhhmuh an ni.

Medical zir tumte hi Dr.Loncy V.Lalzarliana (Super Specialist) in zirtirna a pe a. Engineering zir tumte hi Prof.Lalrinthara Pachuau, (IIT Ghty chhuak) in zirtirna a pe bawk. Zirlaiten hlawkthlak an ti in, All India Level Entrance beih tum zirlai engemawzat an awm phah a ni.