No.2495/2021-2022

Aizawl, the 6th October, 2021: Nimin lamah Sansad Adarsh Gram Yojana (SAGY) Model Village hawnna neih a nih hnuah vawiin khan N. Mualcheng Community Hall ah District Panchayati Resource Centre, SIRD&PR, Serchhip District mithiamten khawtlang hruaitute pualin SAGY Model Village chungchang zirtirna (Awareness Programme) an buatsaih chhunzawm.

Vawiin Awareness Programme ah hian SAGY Model village thiltum te, a ngaihpawimawh bik thilte leh tihhlawhtlin pui a tumte; Model Village ten an kalpui theih thiltihtheih (activities) hrang hrang te, Participatory Rural Appraisal chungchangte, a hmanrua leh a kalpui dante bakah Village Development Plan chungchangte uluk takin zirtir an ni a. DPRC Serchhip Head Faculty Pu Vanlalhruaia leh a thawhpuiten heng thupui hrang hrangte hi chan insemin an zirtir a ni.

N. Mualcheng khua hi Pu K. Vanlalvena, MP, RS in SAGY Model Village a tana a thlan a ni.