No.2496/2021-2022

Aizawl, the 6th October, 2021: Mizoram Cleanliness Week, 2021 hman chhunga hmalakna tur hrang hrangte chu Serchhipah pawh tluang taka kalpui chhunzawm zel a ni a. Vawiin hian Veng hrang hrangten vantlang hmun tifaia hnatlang an buatsaih bakah District Sanitation Task Force ten khawlai fangin dan bawhchhiate an vai.

Cleanliness Week, 2021 kalpui chhunga hmalakna tur thuneitu sang zawkten an rawn duan angin, nimin lamah chhungkaw tam takten mahni in leh a chhehvel an tifai hlawm a, vawiin hian veng chhung hnatlang buatsaih chhunzawm leh niin naktukah sawrkar pisa hrang hrangten an hmunhma tihfai hnatlang an nei chhunzawm leh ang. Faina lam inzirtirna tichhuak tha chanchinbute inelna kalpui mek a ni a, thlalak intihsiak leh minute khat video insiam siak pawh kalpui mek a ni bawk.