Kum 2013 MLA General Election a Awarness Observer Pu S. Sabramanian chuan nimin 29th October 2013 khan Mamit tlawhin DC’s Office chamber-ah Systematic Voters Education Enrolment Programme hnuaia Campus Ambassador leh MCMC Members te kawmna a nei.

He inkawm hona hun hi Pu V. Lalremthanga District Bawrhsapin kaihruaiin Awarness Observer chuan mipuite rorelna ramah mipuite hian chanvo pawimawh tak kan nei te hi zalen taka kan hman a tul a ni tiin kan hma lawk inthlanna-ah pawh mitinte’n kan hlutna leh dikna chanvo hi hria-in vote kan thlak vek theih nan hma lak a tul a, chumi atan chuan sawrkar pawhin SVEEP hi a duangchhuak a ni tiin thahnem ngai taka helama mawhphurtute tan la turin a chah a ni.

He meeting-ah hian member te pawhin an hriatthiam loh leh tula an hriatte sawihona hun hman a ni bawk. Pu S. Subramanian Awarness Observer hian Mamit-a Facilitation Centre leh Polling Booth te a tlawh nghal bawk a ni.

He meeting-ah hian MCMC Members te leh Campus Ambassador a ruatte an tel a ni.