No.6609/2020-2021

Aizawl, the 19th November 2020 : Vawiin khan Union Rural Development Minister Pu Narendra Singh Tomar hovin State hrang hranga Rural Development enkawltu Minister te chuan video conferencing kaltlangin ‘Awas Diwas’ hun an hmang a. He hunah hian Rural Development Minister Pu Lalruatkima pawh telin Pradhan Mantri Awas Yojana- Grameen (PMAY-G) hnuaia Mizoram hma lakna te a tarlang a ni.

Pu Lalruatkima chuan Mizoram dinhmun a tarlannaah Pradhan Mantri Awas Yojana – Grameen hnuaia chhungkaw 26594 te chu Permanent Waitlist (PWL)-ah an awm a, chung zinga chhungkaw 9587 te chu remanded niin 3411 te chu an dilna hnawl hrih (rejected) an ni a, chuta tang chuan he Scheme dawng thei eligible beneficiaries te chu chhungkaw (household) 13596 an nih thu a sawi. Heng chhungkaw 13596 atang hian chhungkaw 10349 te chu register an nih tawh thu te, chhungkaw 7239 te chu sanctioned an nih thu te leh sanction tur 6357 an la neih thu te a sawi lang bawk.

Minister chuan RD Ministry-in an ruahman hun chhung ngeia PWL te sanction tih fel chu Department in a bawhzui mek tiin hemi atan hian theihtawp a chhuah mek tih a sawi a. Target bituk atangin chenna in 3829 te sak zawh a nih thu leh chenna in 9767 chu sak mek a nih thu te pawh a sawi lang a ni. Dilna hnawl tawh te endik leh hna re-verification te pawh thawh leh mek a ni tiin PMAY-G hlawhtling taka zawh a nih thei nan chak takin hma lak mek a nih thu a sawi bawk.

Minister hi Secretary Rural Development Pu Lalhmingthanga leh Rural Development Department officer ten an tawiawm a ni.