No.6608/2020-2021

Vawiin khan Information and Public Relations Department leh Mizoram Photographers’ Society buatsaih online photography competition lawmman semna hun I&PR Director Pi Lallianpuii hovin a office ah neih a ni.

Pi Lallianpuii chuan COVID19 hrileng vangin programme lian tham buatsaih theih ni lo mah se Mizoram chhunga photography lama tui mite talent hmuchhuaka, phochhuaka, than tir zel tura hmalak an duh avangin online competition hi neih a ni, a ti. Photography chu art ropui tak, thil hlui vawn that nana hmanraw tha ber, culture vawnhim nana thil tangkai a ni, a ti a. Hetiang lama tui mite hmasawnna turin I&PR Department chuan tan a la zel dawn a ni, Director chuan a ti.

Photography Competition hi chi thum - Landscape, Colour leh Monochrome-a then a ni a. 

Landscape-a lawmman la tute chu

1st prize- Zarzoliana, Chhinga Veng

2nd prize- Hminga Hmar, Armed Veng

3rd prize - Lalsiamkima, Ramhlun North

Colours-a lawmman latute chu:-

1st prize - Rinmawia Renthlei, Ramhlun North

2nd prize - MS Dawngliana, Chanmari

3rd prize - Benjamin Lalhruaitluanga, Bawngkawn

Monochrome-a lawmman latute chu:-

1st prize - C. Rothangliana, Tuikual

2nd prize- F.Lalhmingmawia, Chanmari

3rd prize - C.Vanlalchhanhima, Pangzawl

Category tinah hian Consolation Prize 5 zel siam a ni a. Lawmman dawng lo tan participation prize pek vek an ni bawk.

Online Photography Competition hi kumin September leh October thla chhung khan neih a ni a. Category hrang hrangah belhkhawmin thlalak 91 a lut a, competition-ah hian mi 35 an tel a ni.