No.2316/2021-2022

Aizawl, the 23rd September,2021: Vawiin khan Taxation Auditorium MINECO-ah Mizorama damlo ten a thlawna an damdawi in awmna senso an bill let leh theihna AB-PMJAY kum thum tlin pualin AROGYA MANTHAN 3.0 hun hman a ni a, Pu R.Lalramnghaka IAS, Secretary Health & Family Welfare Department chuan Khuallian niin a hmanpui.

He AB-PMJAY kum thum tlin lawmna hun hi Dr.Chawngthanchhunga, Principal Executive Officer, Mizoram State Health Care Society-in a kaihruai a. Dr.Biakthansangi, Chief Executive Office, MSHC in AB-PMJAY chungchang thil langsar zualte tarlangin Mizorama kalpui a nih dan chipchiar takin a sawi a. Hemi hnu hian Health Secretary Pu R. Lalramnghaka, IAS, hnen atangin thusawi ngaihthlak a ni.

Health Secretary chuan Mizoram sawrkar chuan mipuite hriselna a ngai pawimawh hle a, damloh nikhuaa mipuite inekawlna senso bill let kawngah pawh theihtawp a chhuah mek zel a ni a ti a. AB-PMJAY pawhin tluang taka kum thum hmel hial a han hmu chho ta hi a lawmawm tak meuh a ni a ti. Health Secretary chuan mipui zinga AB-PMJAY la hmelhriat mumal lote pawh ngaihtuahna senga he thil hi ngaihven thar leh turin a chah a. India ram Small State zingah Claim Submission ti tha ber dawttu a Civil Hospital, Aizawl thlanchhuah a ni chu lawmawm a tih thu a sawi bawk. Thawktute pawh hmasawn zel tura fuihin harsatna an neih pawha an tana sawrkar a inhawn reng thu a sawi a. Health Secretary hian AB-PMJAY enkawl kawnga tithate hnenah lawmman a sem nghal bawk a ni.

AB-PMJAY programme hi Prime Minister Pu Narendra Modi-in a duan chhuah niin kum October ni 1, 2018 atang khan Mizoramah hman tan a ni a. He Scheme-in a huam chin Socio Economic Caste Cencus 2011 deprive list-a awm, Golden Card leh PM Letter nei damlo ten kum tin Rs. Nuai 5 zel an bill thei a ni. Kum 2018 atanga AB-PMJAY scheme kan lo hman tawh dan chu hetiang hi a ni:

 

Bill lutzat

Bill pekchhuahzat

1st October, 2018
to
 30th September, 2019

21,946

17,71,43,623

1st October, 2019
to
 30th September, 2020

22,246

21,28,95,130

1st October, 2020
to
 31st March, 2021

6,904

8,14,40,868

Mizoram State Health Care Scheme ah chuan enrolment hi kum tin renew ngai a ni a, AB PM-JAY hnuaia Golden Card erawh chu kum tina renew ngai a ni lo thung. He scheme hnuaia hamthatna awmte a tam thei ang berin chhawr tangkai theihna turin mahni veng/khua Sub-Centre theuhah mipuiten lo ngaihven turin kan in chah nawn leh a ni.