No.2822/2021-2022
Dated Aizawl, the 1st November, 2021: Azadi Ka Amrit Mahotsav hmalakna kalpui mekah ram chhung hmun dangte rualin Nehru Yuva Kendra Sangathan (NYKS) Serchhip te pawhin District chhung hmun hrang hrangah Faina beihpui an thlak.

He hmalakna lo zawm ve tur hian Serchhip NYKS chuan district chhunga khua zawng zawngte chu an theih anga hma lo la ve tura ngenna an pek vek bakah anmahni ngei kalchhuakin hmun pawimawh thlan bik engemawzatah Faina hnatlang an nei a, chung hmunte chu Kawlri tlang, Bawngchawm, Serchhip Paragliding hmunpui, District Park, Vantawng Khawhthla, Tuirihiau, Chalkhan pengthuam, Chalkhan Dumping area, Chawm Kai, leh School thenkhatah te, vantlang park leh Health Centres thlan bikah te an ni a. Kawlri tlang hi Serchhip Heritage Society te nena tangrualin an thiam a ni. Tin, hun rei tak ata tawha Tuikhur hlun thlan chhuah heng Fisheries Tuikhur Sailiam, Vety Tuikhur Dawngzawl, Leng Khurpui, Mualcheng Khurpui, Vengthar Tuikhur E. Lungdar leh Kikawn Tuikhur New Serchhip te an ni.

Heng Faina beihpui thlaka hna an thawhna hmun hrang hrangah hian Pu Amlanjit Hazarika, District Youth Officer, NYK Serchhip leh a thawhpuite, NYK Volunteers te leh Cleanliness Ambassador te an tel thin a ni.

Azadi Ka Amrit Mahotsav denchhena ram pum huap faina beihpui thlak hi Union Minister of Youth Affairs and Sports Shri Anurag Thakur an dt. 1st oct, 2021 khan Prayagraj ah a hawng tawh a, ram chhung hmun hrang hrangah hmalakna neih zui niin Serchhip NYKS pawhin he hmalakna hi an thawk tha hle a ni.

Attachment

  • Loading attachment...