No.2821/2021-2022
Dated Aizawl, the 1st November, 2021: Vawiin khan DC Meeting Roomah Special Summary Revision of Electoral Roll, 2021, Draft Roll tarchhuah a ni a, Draft Electoral Roll tarchhuah ah hian Serchhip District-ah Vote nei Mipa 25,683 leh hmeichhia 26,666, a vaiin Vote nei thei 52,349 an awm a ni.

He hunah hian Pu Lalmuansanga Ralte, Addl. DC chuan Draft Electoral Roll hi tlangzarhin January 1, 2022-a kum 18 tling chin te laa Electoral Roll siam that hna thawh turah hian Draft Electoral Roll tarchhuah a nih rual hian hming thun thar, siam that, paih ngai leh awmna hmun sawn duhte tan dilna hun hawn nghal a nih thu leh November 30, 2021 thlengin dilna hi thehluh theih a nih thu a sawi a. Heng dilna hrang hrangte hi Official ten December thla chhunga enfiah leh chinfel hna thawkin harsatna dang a awm a nih loh chuan kumthar January 20-ah Final Electoral Roll tarchhuah a nih tur thu a sawi. Hun dangah hian Draft Electoral Roll tarchhuah a nih rual hian a Copy hi Serchhip District chhunga Political party hrang hrang Block hruaitute hnenah pekchhuah nghal thin a nih laiin kumin ah erawh chuan hri leng avanga inkohkhawm a remchan loh avangin Serchhip Block-a Party aiawhte hnenah Draft Electoral Roll Copy hi pein khawdang a mi te pawh Election Officer in a lo pek dawn thu a sawi bawk.

Hei bakah hian Polling Station thenkhat chu Vote nei thei an tam avangin thensawm a ni tih pawh sawiin, Tuikum Assembly Constituency-a Chhingchhip-I Polling Station chu pahnih-ah thenin Chhingchhip-ah hian Polling Station panga (5) a awm tawh dawn thu a sawi a, Hrangturzo Assembly Constituency-a North Vanlaiphai-I pawh Polling Station pahnih ah thenin North Vanlaiphai-ah hian Polling Station pali (4) a awm tawh dawn thu a sawi a, heng Polling Station siam thar ah hian BLO tur pawh ruat nghal a ni tih a sawi. Heng bakah hian Thenzawl-X Polling Station chu Govt. Lallengvunga H/S-ah leh Serchhip-IV Polling Station chu Kawnpui VC Hall-ah sawn a nih thu a sawi bawk.

Draft Electoral tarchhuah taka a lan danin Serchhip District-ah hian Assembly Constituency pathum (3) awmin Polling Station 85 a awm a, General-ah Vote nei mipa 25,270 leh hmeichhia 26,663, a vaiin Vote nei 51,933 an awm a. Service Voters Mipa 413 leh hmeichhia 3, a vaiin 416 an awm a. Heti hian Serchhip District-a vote nei thei hi mipa 25,683 leh Hmeichhia 26,666, a vaiin 52,349 an awm mek a ni.

Vawiin-a Draft Electoral Roll tarchhhuah a nih rual hian Systematic Voters’ Education and Electoral Participation (SVEEP) hmalakna hnuaia Vote thlak pawimawh zia thu (Slogan) inphuahsiakna lawmman pawh sem nghal a ni a, he intihsiakna ah hian mi 128 ten an Slogan phuah thehlutin C. Lalrinchhana, P&E Veng chu pakhatna niin lawmman ah Rs. 10,000/- leh Certificate a dawng a, pahnihna T. Biakchamliana, AOC Veng chuan Rs. 6000/- leh Certificate dawngin, pathumna Lalliantluanga, New Serchhip Venglai chuan Rs. 4000/- leh Certificate a dawng bawk a, heng lawmman te hi Addl. DC hian a hlan a ni.

Attachment

  • Loading attachment...