314/2022-2023
Dated Serchhip, the 27th April, 2022: Vawiin khan Serchhip DC Conference Hall ah India ramin zalenna a hmuh cham kum 75 na lawmna Azadi Ka Amrit Mahotsav in Jan Bhagidari Mode hman a ni a, Pi Nazuk Kumar, IAS, Deputy Commissioner chuan khuallian niin a hmanpui.

Khuallian chuan thusawiin India khua leh tui kan nih avanga kan vanneihna tam tak sawiin, mahnia ro in rel thei ram kan ni hi a lawmawmin, zalen takin kan awm dan tur kan inrel thei hi kan vanneihna a ni, a ti a. Hmsawnna chi hrang hranga Sawrkarin mipui min ngaihtuahna hi lawm nachang kan hre tur a ni a ti. Tunlai hian vawi khat chauh hman theih plastic chi hrang hrang hman tlem a tul zia a sawi a. Bazar a kan kalin mahni in atangin kan thil lei te ah haw na turin bagte kengin, Single Use Plastic kan hmanna tamtakah hmanna tur ti tlem zawnga in zirtir a pawimawh thu a tarlang bawk. Heng zirtirna te hi kan tihhlawhtlin chuan Serchhip District chuan nasa takin hmakan sawn dawn tihna a ni a ti a. Azadi Ka Amrit Mahotsav in a tum Inida in zalenna kum 75 na a lawmna ah hian zalenna sualtu tam tak mi huaisen te leh ram hmasawnna atana theihtawpa hnathawktu te chungah lawmthu kan sawi a ngaih thu a tarlang bawk.

Pu Lalthanmawia, DCSO, Serchhip pawhin thusawiin, hripui leng avanga harsatna chi hrang hrang mipuiiin kan tawhte chu sawrkar laipuiin hriain, mi harsa zawkte tan thla tin buhfai kg 5 a thlawna sem dan a ngaihtuah chu May 2020 atang khan sem tan a ni. May 2021 ah khan ruahmanna thar siam leh niin September 2022 thleng hian a thlawna sem chhunzawm zel tur a nih tur thu a sawi. Serchhip district ah tun dinhmun AAY Card nei chhungkaw 1960 awmin, member 5166 an awm a, PHH Card nei chhungkaw 10337 awmin, chutah chuan chhungkaw member 45912 an awm thu a sawi bawk.

Pi Lalzikpuii, SDO Sadar pawhin, AKAM chu tute department ta bik mah nilovin, sawrkar department hrang hrang te ta a ni, a ti a. Vawiin Jan Bhagidari Mode chu mipui tam zawkin a lawmna an chhim theihna tura buatsaih a nih thu a sawi a nu. Tukin zingah Marathon neih a ni a, High School zirlai te tan Quiz buatsaih a ni dawn bawk tiin AKAM lawmna hmachhawp a tarlang a,khua leh tui tha tak ni tura theih tawp chhuah reng turin kalkhawmte a sawm a ni.

Pu Tlangtimawia Zote, DAO Serchhip in loneitute tana thlai tiak leh tlai chi, chi hrang hrang a ken chu khuallian Pi Nazuk Kumar chuan zau hranga hrang aiawhtu te hnenah a sem nghal bawk a ni.

He hun hi Pu Lalmuansanga Ralte, Addl. Deputy Commissioner chuan a kaihruai a, Sawrkarin AKAM lawm tura ruahmanna a siam chu district ah pawh lo hman ve a nih thu sawiin, zalenna hi a hlu a, a tel lovin hmasawnna a awm thei lo a ni, a ti. Pi F. Lalnisai, SDC chuan lawmthu sawiin he hun hi a khar a ni.