No.3164/2021-2022

Aizawl, the 26th November 2021 : Tukin zing khan Azadi Ka Amrit Mahotsav puala naupang leh hmeichhia te tana Aizawl DC leh Women & Child Development Department in ke a inkalsiak ‘Walkathon’ an buatsaih chu Aizawl DC, Dr. Lalhriatzuali Ralte in Vanapa Hall kawt atangin a vailiam.

Walkathon a vailiam hma a thu tawi a sawiah Aizawl DC chuan ramin zalenna a hmuh kum 75 na lawmna kal mek – Azadi Ka Amrit Mahotsav tia hriat lar pualin programme hrang hrang buatsaih zingah vawiina programme ah chuan naupang leh hmeichhiate dikna leh chanvo, mipa leh hmeichhiate intluktlanna chungchang puanzar leh inhrilhhriat chu ngaihpawimawh bik a ni, a ti. Programme a tel, National Health Mission, Mission Director Dr. Eric Zomawia chuan natna inkaichawn theih loh chi non communicable diseases laka in venna kawngah taksa insawizawi leh ei leh inah in uluk a fimkhur chu thil pawimawh pawl tak niin a sawi.

Walkathon ah hian naupang leh hmeichhia, mi 250 vel telin inelna hi Category pahnih – kum 12 hnuai lam leh kum 13 chin chunglam te tan siam a ni a. Kum 12 hnuai lam te chu Vanapa Hall kawt atangin Zarkawt Traffic Point thleng an kal a, kum 13 chunglam te chu Vanapa Hall atangin Chanmari Kawn an thleng ve thung a ni.

Kum 12 hnuai lama pakhatna chu Grace Lalhmangaihi New Capital Complex niin pahnihna leh pathumna chu Sarah Malsawmkimi New Capital Complex leh Joshua Lalremsanga Mission Veng te an ni a. Puitling ah pakhatna chu Lalnunmawii Fanai, Upper Khatla; pahnihna – Ruthi Lalremruati, Bawngkawn leh pathumna – Biakmawii Dawrpui Vengthar te an ni. Walkathon tel zinga naupang ber chu kum 5 mi Lalrinfeli niin a upa ber chu kum 59 mi Zohmangaihi Chanmari a ni thung.

Attachment

  • Loading attachment...