No.1821/2021-2022

Lunglei, the 13th August, 2021: India ram zalenna ni vawi 75-na tlin hriatrengna leh lawmna puala zalenna sualtute leh zalenna nei tura beihna hrang hrangte hriatrenga chawimawinan, Nehru Yuva Kendra Sangathan (NYKS) Lunglei chuan ‘Azadi Ka Amrut Mahotsav’ hnuaiah programme hrang hrang kalpui turin hma a la mek zel a. Hemi hnuaia hmalakna peng pakhat ‘Fit India Freedom Run 2.0’ karleh August ni 21-a neih tum chungchang sawihovin vawiin khan Lunglei DC Pu Kulothungan A kaihhruaiin a office chamber-ah Press Conference neih a ni.

He hunah hian NYK Lunglei District Youth Officer Pu David Lallawmsanga, DIPRO Pi C.Lalremruati, MJA Lunglei President Pu H.Lalthansanga leh media mi dangte an tel a ni.

Fit India Freedom Run 2.0 chu sawrkar laipui Ministry of Youth Affairs and Sports hmalakna niin a tum ber chu India khua leh tui ten mahni taksa hriselna anlo ngaih pawimawh thar nan leh mahni mawhphurna theuha la a, mahni zawn theuha theih anga hma anlo lakna tura infuihna a ni.  Vawiin khan India ram pum tan Union Minister of Youth Affairs and Sports Shri Anurag Thakur chuan Fit India Freedom Run 2.0 tlangzarhin ram chhung hmun hrang hranga District 744 tuam chhuak tura ruahman a ni. He freedom run ah hian taksa hriselna enkawl chungchang leh khua leh tui te impumkhatna chungchanga infuihna, pledge sawihona leh cultural activity dangte neih tur a ni.

‘Fit India Freedom Run 2.0’ hi Lunglei District-ah chuan karleh August ni 21 (Inrinni) ah neih tum niin Covid-19 hrileng avangin Covid Appropriate Behavior (CAB) zawm chunga kalpui tum a ni. Freedom Run-a tel tur lo thlang chhuak turin District Youth Officer Pu David Lallawmsanga chu mawhphurna pek niin hemi pual hian T Shirt, face mask, banner-te buatsaih anih dawn bakah print media, cable leh social media lamah hamalakna neih tum a ni bawk.

‘Azadi Ka Amrut Mahotsav’ pual hian District chhungah faina, hriselna leh kawng hrang hrangah hmalakna neih zel tum niin he hmalakna hi hnam inpumkhatna, hriselna leh thianghlimna kawnga khua leh tui te a bi takin thalaite kawhhmuhtu tha tak a nih theih ngeina turin Lunglei DC Pu Kulothungan A chuan District mipuite thawhho puiah a sawm a ni.