No.1820/2021-2022

Dated Serchhip, the 13th August, 2021: Tukin zing Dar 6:00 am khan Fit India Freedom Run chu Nehru Yuva Kendra Sangathan Serchhip District (NYKS) leh National Service Scheme (NSS), Govt. Serchhip College tangkawpten Serchhipah an buatsaih a, hei hi India ramin zalenna a hmuh Kum 75-na lawmna (Azadi ka Amrut Mahotsav) kal zela denchhena buatsaih a ni.

Fit India Freedom Run hi Pu C Lalramliana, Programme Officer, NSS Unit, Govt. Serchhip College chuan kaihhruaiin, School, College, University etc a zirlaiten an taksa sawizawi leh tih hrisel (physical fitness) a pawimawh thute sawiin Fit India Freedom  Run in a tum ber chu ram mipuite chu thatchhiatna, thauna, stress , anxiety leh natna hrang hrang te laka kan talchhuah zel theih na tur taksa sawizawi a pawimawh zia inhrilhhriat a ni a, mitinte chu a tih theih tawk taksa sawizawina nitin darkar chanve chhung tal nei thin turin kan sawm a ni, a ti a. Natna tam zawk leh tunlai Covid-19 natna laka inven nante hian Fitness Awareness chu thil pawimawh tak a nih thu a sawi bawk.

Ministry of Youth Affairs and Sports hnuaiah “Fit India Movement” hi 29th August 2019 khan Prime Minister Pu Narendra Modi chuan a lo hawng tawh a. Ram chhunga district 744 ah he campaign hi neih niin Mizoramah pawh district 11 ah kalpui mek a ni a, Serchhip District ah hian Serchhip bakah E. Lungdarah pawh tukin vek hian hun hman a ni bawk.

Fit India Freedom run a tlante hian Govt Serchhip College Hallah taksa sawizawina (exercise) an nei zui leh hnuah Pi Lalmuanpuii, NYK, Serchhip in lawmthu sawiin Programme hi a khar a ni.