1975/2022-2023 
Aizawl the 17th September, 2022 : Vawiin ni 17 September, 2022 hian Kanan Multipurpose Community Hall-a, Badminton Court Mat thar phah chu Pu Lalruatkima I&PR Minister leh bialtu MLA ni bawkin a hawng a. Kanan Badminton Club tournament siam lawmman a sem nghal bawk.

Pu Lalruatkima chuan thusawiin, "Infiamna hi hrisel nan a ṭha a, kan ṭhalai an tlan mup mup hina lawmawm kanti a. Kan ṭhalaite a ṭha lo zaah pakhat hi kan sawi larin kan sawi lian a, kan ṭhatna lam hi insawi uar ang u," a ti a. "An inkhelh peih chhung inkhel turin kan fate kan fuih a pawimawh. An inkhelh peih tawh loh chinah chuan chhungkaw tan leh khawtlang tan buaina thlentu an lo ni tawh ṭhin. Ṭhathar zawkte fuih phur thiam a, chance pein kan buaipui ang a, infiamna khawvelah raltiang kan kai ngei ang, " a ti bawk.

He hunah hian Pu Johny Lallawmkima'n Technical report a pe a. Badminton Court Mat hi MLA fund ₹4,00,000/- (nuai li) a pek hmanga lei a nih thu a sawi.

Hawnna hun hi Pu K Lalthlengliana Kanan Badminton Club President-in a kaihruai a ni.