DIRECTORATE OF INFORMATION & PUBLIC RELATIONS, Government of Mizoram, India

1974/2022-2023

Aizawl the 17th September, 2022 : Vawiin khan Govt. ITI, Aizawlah Mizorama a vawikhat nan, ITI zirchhuak mi 143 tepual in Convocation Programme hman a ni.

Govt. ITI Aizawl hian kumin kum kal mek (2022-23) Session ah hian Zirlai 384 a nei mek a, Result chhuak hnuhnung berah khan Overall Pass percentage hi 97.14 % a nei a, Govt. ITI Mizorama a dintirh atanga result that ber tum niin India ram puma State hrang hrang zingah Govt. ITI, Aizawl chuan Parukna dinhmun a hauh bawk a ni. Convocation-ah hian zirlai mi 143 te hnenah Certificate hlanna hun hman a ni.

Convocation Programme-ah hian Inlawmna thu Pu K Lalhmingliana, Director, LESDE Department in sawiin, Mizoram Skills khawvelin hma a sawn zel theih na atana zirlai kalchhuak turte an hlawhtlinnaah lawmthu a sawi a. Khuallian, Pu Lalramsanga Sailo, Secretary LESDE Department chuan, “Mizoramah ITI zirna in hma a sawn zel avang leh Mizo ThalaiteThiam thil zirkawngah ke an pen nasa chu lawmawm a ti hle a, India rama Govt. ITI sang chuang zinga result nei tha pawl zinga Govt. ITI, Aizawl a lang thei chu chhuanawm a tih thu a sawi a ni. Ram in hma a sawn zel theih nan leh Thalaite thiam thil hmanga mahni kut kea ding thei tura hma a sawn zel theih nan, ITI tihchangtlun zel a pawimawh a ni a ti bawk. Mizorama Technician Level-a hnathawktu tam ber hi Govt, ITI, Aizawla zirchhuakte an ni a, ITI Graduate zingah hian Motor Mechanic Vehicle (MMV) hnuaia mi 14 ten result chhuah hma in Offer of appointment chu Company lian hnuaiah an hmu nghal bawk a ni.

Convocation hi rampum huapin hman a la ni ngai lova, Ministry of Skill Development & Entrepreneurship (MSDE) ruahmanna in kumin atang hian hman tan a ni. India ram hmun hrang hrangah a rualin Convocation hun hi hman a ni a, a hmanna pui ber hi Delhi-ah Prime Minister Pu Narendra Modi hova hman niin Convocation hi Vishwakarman Diwas(Day) denchhen a kum tina hman tura ruahman a ni.

He hunah hian ITI zirlai kalchhuakte zinga a ti tha zual Top 3 a hnuaia mite hnenah Khuallian chuan Award a hlan a,

Pakhatna - Lalpekthara, Electronics Mechanic

Pahnihna - F Lalrammawia, Baker & Confectionery

H Hmangaihsangzuali, Stenography

Pathumna - LalawmpuiaSailo, Stenography

Lalthlamuani, Baker & Confectionery

He hunah hian ITI Zirlai leh Instructor te bakah, ITI Zirchhuak atanga mi hlawhtlingte leh Industry Sector aiawhte an tel a ni.

Attachment