2438/2022-2023
Aizawl the 26th October 2022 : Vawiin khan HRD Board Vice Chairman leh Lengteng Bialtu MLA ni bawk Pu L.Thangmawia chuan Saitual District-a Khawkawn khuaa BADP sum cheng nuai 20 senga sak Community Centre a hawng.

Pu Thangmawia chuan Khawkawn khuain Community Centre a nei ta chu lawmawm a tih thu a sawi a. Cheng nuaih 20 senga sakah chuan a tha takzet a, hlawkna um lova khawtlang hmangaihnaa he Centre tha taka satute chungah lawmthu a sawi. He Centre hi mikhual riah nghal theih nana duan a ni a, Khawkawn hi Inter-state Border(Manipur) a awm a nih avangin hetiang neih hi a pawimawh hle a, ramri khua a nih anga thil thar la awm tur pawh a la awm nual a, tun dinhmunah sawrkar sum dinhmun a that rih loh avangin hmalak zung zung erawh a la harsa rih a ni a ti.

Pu K.Lalzawngliana, VC Member pawhin thusawiin Khawkawn tan hmasawnna kawngah bung thar kaipuitu Bialtu MLA Pu L.Thangmawia chu lawmthu a hrilh a; zirna leh hriselna, intodelhna kawngah a hmalaknate chu khawtlang mipuiten theihtawp chhuahin an pui zel dawn a ni a ti.

Hawnna inkhawm hi Pu Vanlaltanpuia, BDO Ngopa leh Civil SDO ni bawkin kaihruaiin, Pu H. Lalrokima JE, Ngopa RD Block atangin Technical report ngaihthlak a ni bawk. 

Attachment

  • Loading attachment...