Bairabi a Tlawng Lei dawh mek chu vawiin khan Kolasib District Bawrhsap Pu H.Lalengmawia hovin Sub-heaquarter YMA leh MJA, Kolasib ten an tlawh. 

Pu H.Lalengmawia chuan lei dawh hna thawk mekte chu  District pahnih Mamit leh Kolasib ten nghakhlel takin a dawhzawh hun an thlir reng a ni tih hria a, tha thlah lova hma la zel turin a chah a. Chutihrualin an hnathawhnaah harsatna an tawk anih chuan puih theihna apiangah puih a inhuam thu a sawi a ni. 

Lei dawh hna hi November 2016 atang khan chhunzawm leh a ni a, a cement chhun hna hi 31st March, 2017 ah zawh hman tum niin, April thla tawp lamah a tuaihnum hna zawh hman tum a ni. May thla atang lirthei te tan zawh theih tura hawn hman beisei a ni. 

Inhmuhkhawmnaah hian Mamit District All NGO te pawh an tel a. Pu R.Zirsangliana, EE PWD leh Pu B Chanda, Project Manager, ABCI te'n hmalak mek dan  kalkhawmte hi an lo hrilh a ni.