Nimin (10.1.2017)  khan Health & Family Welfare Department, Mamit chuan District Hospital -ah  Kalyakalp lawmman an dawn lawmna hun hmangin,  he hun hi Pu H. Lianzela Addl. DC Mamit chuan a hmanpui.        

Dr. PC Lalliannghaka, District Medical Superintendent (DMS) chuan District Hospital hrang hrangte inelna pakhat Kalyakalp Scheme hnuaia Mamit District Hospital in kum 2015 a lawmman pathumna a dawng leh Kum 2016 a tehna hrang hrang a 70% hmu phaka an awm chu Mamit khawtlang/, mipui tanrualna vang a nih thu a sawi a, District Hospital a thawktute leh Hospital tana tha leh hun, ngaihtuahna hmangtu zawng zawngte chungah lawmthu a sawi.  

He hun hmanpuitu Pu H. Lianzela, Addl. DC Mamit chuan tun aia nasa a tan kan lak chuan District Hospital tha ber lawmman pawh kan dawng thei a ni tiin thawktute tan la sauh sauh turin a fuih a, Damdawi In chu damlo na tak takte tluk luhna a nih avangin dam lo ten hahdam tak leh rilru thlamuang taka hun an hman theih nan thawktu te chu in hawng taka damlo te lo buaipui thin tura ngenin, engkim felfai leh thianghlim taka enkawl turin a ngen bawk.  

He hun hi Dr. PC Lalliannghaka, DMS chuan a kaihruai a, Kum 2017 pathian hnena inhlan tharna hun hman nghal a ni. 

Award dawn lawmna inkhawm leh inhlan tharna hunah hian Mamit Pastor bial vawngtu Pastor V. Lalkima’n hunserh hmangin Pi Hmingthanmawii Chief Mideical Officer, Mamit, Pi K. Lalbiaknguri, Nursing Superintendent leh Pu Zatluanga President , Sub Hqrs YMA ten thusawina an nei a, zaithiam tak tak zai ngaihthlak a ni bawk.