Vawiin khan Lawngtlaia District Medical Superintendent Office-ah natna khirh zual thenkhat dang tura hma lakna National Programme for Prevention and Control of Cancer, Diabetes, Cardiovascular Diseases and Stroke (NPCDCS) chungchang zir ho a ni a. Health & Medical Education-a Deputy Director Dr Eric Zomawia, NCD-a State Nodal Officer ni bawk chuan a hmanpui.

He hunah hian Chief Medical Officer, Medical Superintendent leh Lawngtlai District chhunga Medical Doctor te leh Nursing Superintendent te an tel a. Dr Eric Zomawia'n NPCDCS chungchang bakah, inkai chhawn theih loh natna chungchang leh nun dan hrisel pawimawhna a sawi a. Damdawi ina thawktute nen District Hospital-a room leh mamawh hrang hrang en fiah nghal a ni.