Vawiin khan Kolasib District Magistrate Pu R. Zarzosanga chuan boruak thlithlaiin Bairabi Zophai hmun a tlawh.
He hmunah hian Mizoram Police Duty mek te chu boruak muanawm a awm chhunzawm zel theih nan theihtawp chhuah tur in a chah a, District Magistrate chuan Zophai IR Outpost hmun tlawh bawkin thil pawimawh hrang hrang leh hmalakna hrang hrangte chu Pu HL Thangzuala Commandant, 1st IR Battalion nen an sawi dun bawk a, boruak thalo a thlen loh nan Mizoram Police thahnem tak chu zophai ah hian an duty mek a ni.
Tukin khan Bairabi Zophai hmun hi Aizawl atangin Medical Team Dr. James RE Mawia kaihhruaina in Ambulance 2 (pahnih) nen an tlawh bawk. District Magistrate hi Additional District Magistrate Pu Laltanpuia Hnamte nen Zophai boruak kaihhnawih avang hian Bairabi Sub Deputy Commissioner Office behchhanin Bairabi Zophai hi an vil reng a, tun dinhmunah chuan boruak a muanawm hle a ni.
