2047/2025-2026

Kolasib Dated, the 9th September, 2025: Pu Robert C. Lalhmangaiha, District Magistrate, Kolasib District chuan a hnuaia mi ang hian Bairabi atanga Sairang inkar a Drone hmanglo turin thupek a chhuah.

Bairabi to Sairang Railway Line Project chu hlawhtling taka zawh fel a ni ta a. Ni 13.09.2025 (Inrinni) hian Hon’ble Prime Minister of India, Shri. Narendra Modi chuan mipuite tan a tangkai taka hman theih turin a hawng dawn a.

India ram mi pawimawh ber leh dinhmun pawimawh ber chelhtu a nih avangin National Security (venhimna) uluk taka kalpui a tul a. Hemi a nih avang hian venhimna uluk taka kalpui a nih theihna turin Kolasib District chhungah thupek chhuah a tul a.

Chuvangin, ROBERT C. LALHMANGAIHA, District Magistrate, Kolasib chuan Section 163 BNSS, 2023-in thuneihna a pek angin a hnuaia mi ang hian thupek a chhuah e.

Kolasib District huam chhunga mi tu mahin Ni 12th -15th September, 2025 chhung hian Bairabi to Mualkhang inkarah Drone (UAVs) hmangin thla an la tur a ni lo.

He thupek zawm lote chu Section 223 BNS, 2023 hmangin tha ruk (6) lung in tan tir emaw pawisa chawi tir emaw a pahnihin hrem theih an ni ang.

Vawiin Ni 9, Mimkut thla, 2025 hian Court Seal hmanga nemnghetin hming a ziah hnan a ni.