2048/2025-2026

Kolasib Dated, the 9th September, 2025: Pu Robert C. Lalhmangaiha, District Magistrate, Kolasib District chuan Railway Act, 1989 hmangin a hnuaia mi ang hian Kolasib District chhungah tluang taka Rail a tlan theih nan ruahmanna thupek a chhuah:

Section 147 of Railway Act, 1989-in a khap tlat angin Kolasib District huam chhunga Bairabi leh Mualkhang inkara Railway acquired area huam chhungah mi tu mahin thlam, buk, puan in, thingpui dawr ang chi reng reng an sa tur a ni lo a. Rel kawng lai tak atanga teh a, ding lam leh vei lam 50 feet (15 metres) ve ve chu humhalh tlat a ni a. Hemi huam chhung hi eng hmalakna mahin a chim buai tur a ni lo.

He thupek zawm lotute chu an thil sak/siam te Railway thuneituten police chakna hmangin an thiat/tichhia anga, a tihchhiat man pawh dan bawhchhetu ten an chawi tur a ni a. Chumi bakah Railway Act, 1989 Section 147-in a sawi angin hremna an chungah lek a ni bawk ang.

He thupek hi chhuah a nih atanga tihdanglam emaw tihtawp emaw a nih hma chuan  hman a ni ang.