1186/2022-2023
Aizawl, 8th July, 2022 : July ni 5, 2022 (Thawhlehni) a Rajya Sabha MP Pu K.Vanlalvena leh Road & Infrastructure Development Board Vice-Chairman Er. H. Lalzirliana, MLA ten Union Minister of Road Transport and Highways Pu Nitin Jairam Gadkari a an hmuh nia Union Minister in a lo tawng tiam tawh angin Bairabi leh Mamit inkar kawngpui chu "New National Highway No 6" a rinluh tel a nih thu hriattirna ( notification) tih chhuah thar a ni ta. He notification hi Ministry of Road Transport and Highway Director Pu Rajesh Gupta hminga tihchhuah a ni.

National Highway No. 6 hi Assam state a Jorabat atanga intanin Shillong paltlangin Dhaleswar ah, Bairabi, Kolasib, Aizawl, Seling, Champhai, Zokhawthar ah a tawp a. He New National Highway No. 6 hi Bairabi atanga pengin Mamit khaw daiah National Highway No. 108 a rawn pawh tawh dawn a ni.

He New National Highway No. 6 puan belh hi a taka laih zawh a nih hunah chuan Mamit District mipuite tan a tangkai hle dawn a. Bairabi Rail Head atanga bungraw lo lut te chuan Mamit a thleng zung zung thei tawh ang a.Thil thawn chhuah turte pawh awlsam leh rang zawkin Bairabi rail head a thleng zung zung thei tawh bawk dawn a ni.

Bairabi to Mamit NH siam zawh a nih hunah chuan Mamit District mai ni lo, Aizawl District leh Mizoram chhim lam District te tan pawh awlsam zawk leh hun khawhral tlem zawkin Bairabi rail head a thlen zung zung theih tawh dawn a ni.