1187/2022-2023
Lunglei the 8th July, 2022 - Vawiin khan Lunglei District Development Coordination and Monitoring Committee (DISHA) chu an Chairman Pu C. Lalrosanga, MP Lok Sabha kaihhruaiin an thukhawm.

Meeting ah hian Lunglei East bialtu MLA Pu Lawmawma Tochhawng, Thorang bialtu MLA Pu Zodintluanga Ralte, West Tuipui bialtu MLA Pu Nihar Kanti Chakma, Lunglei District DISHA Member Secretary Pu Kulothungan A, Deputy Commissioner, Pu M. Misael, Project Director DRDA leh a kaihhnawih Sawrkar official-te bakah BSNL, NHIDCL, VC, YMA leh MHIP aiawh an tel a ni.

Chairman Pu C. Lalrosanga, MP chuan DISHA chu Central Government scheme pawimawh zawng zawng thlirhona leh zirchianna anih avangin ram hmasawnna atan a pawimawh hle a, sawrkar laipui hotute pawhin an ngai pawimawh takzet a ni, a ti a. Lunglei District Department hotute chu Scheme an implement naa harsatna hrang hrang an tawhte leh Central sawrkara thlen sak leh bawhzui tul te DISHA meeting-ah report hreh lo turin a chah a ni. Kan ram ti hmasawn zel turin Sawrkar hnathawkte, tlawmngai pawlte leh khawtlang hruaituten mawhphurhna sang tak kan nei theuh a ni tiin tha thlahlova theihtawp chhuah zel turin kalkhawmte a chah bawk.

Meeting ah hian Lunglei District-a National Highway hnathawh mek pahnih NH-54 leh NH-302 te enawkltu National Highways and Infrastructure Development Corporation (NHIDCL) hotute koh tel an ni a. Lok Sabha MP Pu C. Lalrosanga chuan National Highway siam mekte chu kan ram economy than len zelnan an pawimawh takzet rualin heng kawngpui laih avanga environment tih chhiat loh nan NHIDCL General Manager Pu Shiv Gulam Dwivedy leh a thawhpuite chu Environmental Laws uluk taka zawm turin a hriattir a. Kawngpui an laihna leivung te a paihna hmun tura ruat dumping site ah chauh paih tur leh leivung te kawr leh luiah a luan luh lohnan a tul anga hma la turin a chah a. Hemi chungchangah hian Lunglei DC Pu Kulothungan A chuan report pe in EF&CC Department nen tangkawpin Quality Monitoring Committee an din thu leh joint verification te neih chhoh mek zel anih thu a report a ni.

Meeting ah hian Central sawrkar sum hmanga hmasawnna hnathawh hrang hrangte report pek ani a; a tlangpui chu hetiang hi a ni.

Kum 2021-2022 chhungin Lunglei District-ah MGNREGS job card holder te account ah cheng nuai 7045 thun a ni a. Lunglei District huamchhunga block pathum – Lunglei, Bunghmun leh Lungsen ah te 2021-22 chhungin ni 96 inhlawhna siam a ni. MGNREGS hnuaiah hna chi hrang hrang (drought proofing, land development, fisheries, minor irrigation, water harvesting etc) hna 3283 thawh zawh niin thawh mek 378 a awm a ni. Aadhaar seeding pawh zawh fel tep niin 98.38% zawh tawh a ni.

Pradhan Mantri Krishi Sanchayee Yojana (PMKSY) 2.0 chu kum 2021 ah bultan niin tun dinhmunah Lunglei District-ah PMKSY project pahnih kalpui mek a ni.

Mizoram State Rural Livelihoods Mission (MzSRLM) Lunglei District-ah Self Help Group 726 awm mekin (Lunglei Block – 162, Bunghmun Block – 224 leh Lungsen Block - 340) hengte hi bank account hawn vek tawh a ni a. Heng bakah hian village Organization 56 (Lunglei Block – 16, Bunghmun Block – 22 leh Lungsen Block - 18) bultan tawh a ni. Self Help Group member mi 2433 an awm mek a ni. MzSRLM hnuaiah hian training chi hrang hrang – General Duty Assistant, Hospitality Management, DDEO, Retail Sales, Tailoring leh Airline Cabin Crew te neih thin a ni.

P&E hnuaia DDUGJY (ADDITIONAL) PHASE-II pawh kalpui mek zel niin Improvement of 33kV line from 33kV Sub-Station Chawnhu to 33kV Sub-Station Bungtlang 'S' - 3.00km, Construction of LT Extension at Phairuangkai - 0.3km. te zawhfel tawh niin Construction of 33kV Bungtlang 'S' Bay at 33kV Chawnhu SubStation, Lawngtlai leh Conversion of 1Phase into 3Phase LT Line at Phairuangkai - 1.6km te bultan ala ni lo.

Lunglei District chhunga PWD Division pathum - PWD Tlabung Division, PWD Lunglei Road Division I leh PWD Lunglei Road Division II hnuaia Pradhan Mantri Gram Sadak Yojana (PMGSY) kawng siam hna 32 awm zingah tun dinhmunah 11 zawhfel tawh niin September thla ah 27 zawhfel hman beisei a ni.

BPL chhungkua ten awlsam zawka gas connection an neih theihna scheme PRADHAN MANTRI UJJAWALA YOJANA(PMUY) hnuaiah Lunglei District ah beneficiary chhungkaw 7563 an awm tawh a ni. Kum upa pension IGNOAPS hnuaiah Lunglei Districtah beneficiary 5111 an awm mek a, widow pension scheme hnuaiah beneficiary 376 awm mekin, pianphung rualbanlo beneficiary 143 an awm mek bawk. Mid Day Meal hnuaiah school 451 atangin zirlai 22,357 beneficiary an awm mek a, school naupang 12,908 hnenah uniform leina (free uniform scheme) Rs.600/- zelin Rs.77,44,800/- pek chhuah a ni a, free textbook zirlai 18,156 hnenah sem tawh a ni bawk. Sanitary vending machine cum incinerator chu school 114 ah sem chhuah tawh a ni. ICDS hnuaiah Lunglei District ah Anganwadi 418 awm mekin naupang kum 3 hnuai beneficiary 8785 awmin, naupang kum 3 atanga kum 6 inkar beneficiary 8646 an awm a ni.

Heng scheme te bakah hian Swach Bharat Mission (Gramin), National Health Mission, Swach Bharat Mission (Urban), National Food Security Act (NFSA), PMAY( HFA), BADP leh PMEGP chungchang te sawiho niin hmalaknaa harsatna tawh thin te, ruahmanna hmachhawp te leh thil dang pawimawh tam tak sawi ho a ni.