1188/2022-2023
Aizawl, 8th July, 2022 : Vawin khan Sialsuk khuaah lirnghing a thlen thulha chet lak dan tur "Mock Drill" neih a ni a. He mock drill hi District Disaster Management Authority, Aizawl District leh BDO, Aibawk RD Block tangkawpin an huaihawt a ni. He mock drill ah hian Village Level Disaster Management Committee, Sialsuk bakah Govt Aibawk Primary School, PHC Aibawk, Presyterian English School, Govt High School leh Samagrah Higher Secondary school Aibawk te an tel a ni.

He mock drill neih hma hian table top mock exercise leh site briefing neih niin khuarel chhiatna thlen thulha chetlak dan tur leh in buatsaih dan tur te in hrilhriat na hun hman a nih bakah practical training pek a ni. Mock drill neih zawh hian debriefing hun hman niin, mock drill neih tak atanga khuarel chhiatna thleng hmachhawn dan kawnga hmalak chhunzawm ngaihna lai te thlir let na hun hman a ni.