No.2699/2020-2020

Dated Serchhip, the 3rd July, 2020: Vawiin hian Khumtung Branch MHIP ten Serchhipa Districta COVID 19 avanga khunghran mekte tan thlai leh chawhmeh chi hrang hrang an hlan a, Pu Kumar Abhishek, IAS, District Bawrhsap chuan heng thilpekte hi a lo dawng a ni.

Khumtung Branch MHIP te hian an khaw mipuite chawhmeh leh thlai thawhkhawm chi hrang hrang: Phuihnam, Antam, Saptheihnah, Maian, Theihai, Theiherawt, Dawlzik, Behlawihnah bakah hian branch sum atanga an lei Balhla bawm 10 chu an branch aiawhin Pi Lalchhuanthangi, President leh hruaitu dangten DLTF kutah an hlan a. Heng bakah hian Old Age Home (Tar chawmna in), New Serchhip leh Zoar Urban Deprived Children’s Home, Serchhip ah te Balhla an pe bawk a ni.

Bawrhsap Pu Kumar Abhishek chuan MHIP te inpekna leh an thiltihah lawmthu a sawi a ni.