No.2698/2020-2020

Vawiin chawhma dar 11:30 khan Palak bialtu MLA Pu KT.Rokhaw chuan Tipa PHC-a hman tur Water Cooler a pe.

Hemi puala inkhawm neih Dr.C.Hniechho CMO Siaha kaihhruaiah hian Pu KT.Rokhaw MLA chuan Water Cooler tha tak, PPE set 5, Face mask 100 leh hand sanitizer bur 15 bakah Sintex leina tur sum fai Rs. 7000/- Tipa PHC tan hlanin; Dr.C.Hniechho CMO Siaha in lawm takin a dawng a ni.

He hunah hian thu sawiin, Pu KT.Rokhaw MLA chuan, tunhma lam a Tipa PHC Damdawiin ka tlawh tumin he damdawiin damlo leh kan tu ten Tui thianghlim vawt in tur an neilo nia ka hriat avangin he water cooler hi damlo leh mipui ten tangkai taka an hman atana hlan anih thu a sawi.

Pu KT. Rokhaw MLA chuan kan rama Covid-19 hripui leng kan dona kawngah hian party bil sawi lovin Congress,MNF leh BJP leader te kan tangtlang tha hle a, he hripui len hnua tampui lo thleng mai tura ngaihna lian tak a awm avangin party bil sawi lovin tampui lo thleng tur do hneh ngei turin tan kan la tlang zel dawn a ni; a ti bawk.

MLA hi Siaha tangin Pu te: S.Tiahlei,MDC, T.Seido MDC, Pasa T.Azyu MDC, Dr.C.Hniechho CMO Siaha, Dr.K.Rakhu Dist.Malaria Officer, Siaha, Dr.Lalnunziri, DIO Siaha Dist te leh Pu H.Sabi DDK stringer Siaha ten an tawiawm a ni.