Vawiin khan tun hnaia Balu leh Brick man chungchanga inhriatthiamlohna thleng avanga Kolasib leh Cachar District huam chhunga harsatna thleng chungchang ngaituahin Kolasib leh Cachar District Administration hotute leh a kaihhnawih Association hruaitute chu Vairengte SDO (C) Office ah an thukhawm.
Thutkhawm ah hian District pahnih atanga harsatna an tawh dan te chipchiar taka ngaithlak leh sawiho ani a, thutkhawm chuan a hnuai ami ang te hi a rel ani. 
1) Cachar a Balu leh Brick man tur chu hetiang hian rem siam ani a Balu cubic metre 1 ah cheng 900/- ani anga, Brick 1st class pakhat man chu cheng 10/- ani ang. Hemi man hi  july thla chhung hman phawt tur niin a tul dana zirin thla khat hnu ah ennawn tur ani ang. A man ennawn anih dawn chuan cachar lam chauh niloin mizoram tripper hruaitute te pawh rawn tel tura rel ani.
2) Thutkhawm ah hian Raju Lashkar chuan mahaldar a niloh thu a sawi a mahaldar chu naseeruddin laskar ani a, cachar DC chuan dan lova mahal man an awm a nih chuan an chungah dan lekkawh a nih tur thu a sawi a.
3) Thutkhawm chuan kawngpui National Highway 54 chu eng motor tan pawh him taka kaltlang a nih theihnan eng motor tan mah dan tawhlo nise tiin a rel bawk a, Mizoram leh cachar lam mi tan pawh him leh thlamuang takin zin vei vakin sumdawnna kalpui se tih an rel bawk.
4) mahalder chuan mahalder hming, phone number leh balu leh brick rate an tarlang vek tur ani a, mizo tan a to bik tur a nilova, mizo leh non mizo tan rate inang vek tur a ni.
5) mizo te in cachar huam chhunga harsatna tawk chuan Border Magistrate pu Deep moy Thakuria ph no. 8133979963  leh Dholai OC (SI) Bhaskar ph no. 9101246137 ah biak theih an ni.
6) Remna leh muanna a awm chhunzawm zel theihnan tu pawhin harsatna siam lo se tiin thurel bawk ani.
Thutkhawm ah hian Kolasib DC Dr. Arun T IAS, kolasib SP Abhisek Dhania, IPS, Kolasib Addl DC Pu Laltanpuia Hnamte MCS, pi saizikpuii DRC, Silchar, Kolasib District Administration Officer hrang hrang leh kolasib leh Aizawl DTO bakah cachar DC Dr. Lakshmanan IAS, Cachar SP Pu Rakesh Roushan IPS, kolasib leh cachar tripper association hruaitute bakah mahalder an tel a ni

Attachment

  • Loading attachment...