Vawiin chawhma khan Pu Lalzuiliana, Coordinator NLUP Lunglei kaihhruaina in State Bank of India (SBI), Rural Bank leh NLUP Line Department hrang hrang ten NLUP tanpuina dawng tur khua te Bank kaltlang emaw kaltlang kher lova pek dan tur rel in thutkhawmna neih a ni. 

NEDP-NLUP convergence scheme hmangin tanpuina pek chhuah leh thuai anih dawn avangin, Lunglei District chhunga NLUP tanpuina dawng tur SBI leh Rural Bank awmna khua ami te chu Bank kaltlanga pek chhuah ngei ni se tih committee chuan a rel a. Inkalpawhna harsatna khua leh Bank hnathawktu te indaihlohna avangin thingtlang kilkhawr deuh ami te chu Line Department te remchan angin pawisa fai  a sem nise tih rel a ni. Hetianga hmalak a nih theih nan hian Bank hrang hrangten an lo tih ve tur te, Line Department te nena inpawh taka an thawh ho dan tur te sawiho niin SBI leh Rural Bank ten Lunglei District a Bank dinhmun leh NLUP tanpuina pek theih na khuate NLUP Co-ordinator hnenah ni 20 July 2018 hma a thehlut theuh tura tih a ni bawk.