No.4343/2021-2022

Aizawl, the 21st March, 2022: Chief Minister Pu Zoramthanga leh Ksh Lal Bihari Singha, Professor, Department of Life Sciences, Manipur University chu vawiin chawhnu khan CM pisa ah mau chungchanga hmalakna sawiin an inkawm. Prof. Singha hi Dendrocalamus latiflorus tissue culture lama tawnhriat nei țha tak a ni.

Chief Minister leh Prof. Singha chuan Mizorama mau tihpun leh hmang tangkai tura hmalakna kal mek leh a kaihnawih hrang hrang an sawi dun a. Prof. Singha hian Manipur University ah NEC bultumin Dendrocalamus latiflorus tissue culture - a hun pangngaia mau in kum tam tak hnu a chi a chhuah hun nghah ngailo a laboratory ah chi thlah dan project a kalpui mek thu a sawi a. Mizoram nen thawhho theihna tur remchang an sawiho a ni.

Mizoramah bamboo plantation kalpui mekah Horticulture Department in phun tur a identify zingah Mizoram pawn atanga a țiak phun tur lakluh ngai chu Prof. Singha te hian thahnem tak an lo neih avangin planting season lai ngeia phun hman theih tura Manipur atanga Mizorama mau țiak thawn dan tur te sawiho a ni bawk. Naktuk hian mau plantation thenkhat tlawhin a enfiah dawn a ni.

Vawiin meeting-ah hian Addl. Chief Secretary Pu JC Ramthanga, Horticulture Director Dr. Elizabeth Saipari leh Horticulture Department hotu dangte an tel a ni.