1030/2025-2026

Aizawl, 02.07.2025: Vawiin khan Mizoram State Policy Coordination Committee (MSPCC) chu Vice Chairman Pu KC Lalmalsawmzauva kaihhruaiin P&PI Department Conference Hall-ah thukhawm in State Flagship Programme Bana Kaih Scheme hnuaia thu pawimawh hrang hrang an sawiho a. MSPCC member-te bakah District tin Deputy Commissioner te (virtual in) leh Implementing Department Nodal Officer leh Partner Bank Nodal Officer te bakah MKVI Board CEO te an tel a ni.

Vice Chairman Pu KC Lalmalsawmzauva chuan Chief Minister’s Special Package pekchhuah chungchangah district tin DC te mawhphurhna sawiin, tanpuina dawng tura thlanchhuah te hi July thla chhunga District Level Orientation Training buatsaih turin a chah a. Phase-I hnuaia loan support dawng thei tur Progress Partner thlan tharte atana Orientation Training lo buatsaih pawh DC te hriattir an nih tur thu a sawi. Phase-I hnuaia loan dilna ‘under assessment’ te pawh department te’n tun July thla chhunga tifel vek hman turin a chah bawk.

Vawiin meeting-ah hian Partner Bank te hnen atanga report dawn dan in a vawiin Bank pathum (SBI, MRB, APEX) ten Bana Kaih Loan dilna an hmuh atangin 68 chu pawm in an sanction tawh a ni. DC, Implementing Department leh Partner Bank aiawh te atangin harsatna an tawh leh zawhna an neihte sawihona neih a ni a. PMEGP portal hun engemawchen a chhiat avanga hna a khaihlak thu te sawi a ni bawk.

Banakaih Phase-II atana inbuatsaih lawkna chungchang vawiin hian saiw ni bawkin, hemi atan hian local level atanga bultan a, inzirtirna leh inhrilhhriatna tha zawk neih sawiho a ni.