1029/2025-2026

Dated : Mamit the 2nd of July, 2025 :  Ni 29 June 2025 khan Kawrthah Forest Division hnuaia Range Officer, Zamuang Forest Range leh a thawktute chuan Teirei luikamah protection duty neiin, Forest Department Plantation ‘1991 Teak Plantation’ chhunga thing lo zai ru mi panga (5) leh anmahni chhawrtu nia puh pakhat an man a; Assistant Conservator of Forest, Kawrthah Forest Division kaihhruainain Ni 1 July 2025 khan District Court, Mamit-ah thubuai ziak luh niin, Judicial Custody-ah dah luh nghal an ni.

Kum 1990 cho vela Forest Department-in Teak plantation a siamte hi phalna nei lova ruk leh suasam an hlawh chho hle a, Forest Department lam pawhin theihtawp chhuahin a venhimna hna a sur a sa hnuaiah an thawk thin a ni. Tuna a ruka thing zai man an nihna hmun hi 1991 Department Teak Plantation a nih mai bakah, Teirei Riverine Reserved Forest leh Tut-Langkaih Protected Council Reserved Forest hnuaia mi a ni a, he’ng lai hmun atanga phalna nei lova thing zai leh lakchhuah hi lung in hial tan theihna a ni. 

Mizoram (Forest) Act, 1955 leh Bharatiya Nagarik Suraksha Sanghita (BNSS), 2023 te hmangin thubuai hi ziahluh a ni a. Thingzaina khawl (Power Chainsaw) an hmante chhuhsakin, thing an lo zai sa te pwh Range Office lamah senghawi an ni. Dan bawhchhia an awm a, a lo hmu leh hria an awmin a ranglama hriattirna pe thin turin Kawrthah Forest Division chuan division chhunga mipuite a ngen a ni.