3703/2024-2025

Champhai, 7th January 2024: Vawiin khan Champhai DC Conference Hall-ah Sawrkar Flagship Programme - 'Handholding Policy' hnuaia Thlai thar chhuah lakkhawmna leh hralh chhuahna tur chungchang ngaihtuahin Chairman Pu VL Remliana Champhai District Bawrhsap hovin District Agriculture Marketing Committee an thukhawm a. Pu Lalmalsawma, DAO, Member Secretary hnen atangin hemi chungchanga hmalak tawhna leh agenda sawifiahna ngaihthlak a ni.

Pu VL Remliana chuan Ban a Kaih Policy kuthnathawktute tana sawrkarin a duan hi hlawk taka mipui ten an hman ṭheuh a beisei thu sawiin Champhai District chuan thlai thar chhuah kan ngah dawn avangin he Handholding Policy ti hlawhtling tur leh kuthnathawktu ten hma an sawn theih nan leh man man zawka an thlai tharte an hralh theih nan line department te an pawimawh hle a, theihtawp an chhuah a ṭul a ni a ti. Bawrhsap chuan mipui ten an thlaithar chhuah awlsam zawk a an chhun luh theihna tur leh an hralh chhuah theihna tur - Collection Centre uluk taka thlan a tul thu a sawi bawk.

Vawiina District Agriculture Marketing Committee chuan Thlaithar lakkhawmna (Collection Centre) hi hmun 15 Tualcheng,Hnahlan DCSO Godown, DCSO Godown New Champhai, Melbuk, Mualkawi, Sazep, Khuangleng, Khawbung, Leithum, Vanzau, Farkawn,Vaphai, N. Khawbung, LAMPS Godown Ramhrangkawn, New Champhai Cold Storage te a ruahman a. January thla chhung hian Collection Centre Building te hi tih chian tur niin, thlai thar chhuah te Collecton Centre a dah luh leh hralh chhuah te awmze nei zawka kalpui anih theihna turin Collection Centre Supervisor nei tura hmalak ni se tiin a rel bawk a ni.