3702/2024-2025 

Dated Serchhip, the 7^th January, 2025: Pu Saidingliana Sailo, Addl. SP Serchhip chuan AIGP (Hqrs) Mizoram, Aizawl lehkha no.E/PHQ/D/Const-Recruit/2024/63 Dt 20 Dec 2024 angin Mizoram Police Constable (UB) 51, Constable (AB) 200 leh Constable (Mechanic) 8 lak a nih tur thu hriattirna a chhuah. 

Diltu chu 22^nd January, 1997 leh 22^nd January, 2007 inkara piang, kum 18 – 28 (ST/SC tan kum 5 leh OBC tan kum 3 belh) a ni tur a ni a. India khua leh tui dik tak, HSLC leh a chunglam pass chin an ni tur a ni. Constable (Mechanic) diltu chu ITI emaw a tlukpui zirna a zir zo, sawrkar emaw mimal lirthei siamna hmuna kum 5 tal thawk a ni tur a ni. 

Dilna hi Police Recruitment Online Portal mizopolicerec.in kaltlangin ni 23.12.2024 atanga 22.2.205 chhungin thehluh theih a ni a, ST/SC/OBC tan fee Rs. 300 leh General category tan Rs. 400 a ni a, online portal kaltlangin pek tur a ni. Hrechiang duh tan Police website-police.mizoram.gov.in ah emaw Police Recruitment portal mizopolicerec.in ah en theih a ni.