3701/2024-2025

Dated Serchhip, the 7^th January, 2025: Vawiin khan Serchhip ah Digital Agricultural Mission-Aerial Survey of Agricultural Land chungchang ngaihtuahin DC Meeting Hall ah Bawrhsap Pu Paul. L. Khuma kaihhruaiin Meeting neih a ni. 

Bawrhsap chuan kalkhawmte lawmna thu sawiin Agriculture and Farmers’ Welfare Department atanga thu an hmuh anga chawpchilh taka meeting koh a nih thu a sawi a. Serchhip District-a loneitute hmasawnna atan pawimawh tak Arial survey neih a, an hmuhhma te eng ang nge a nih a, eng thlaite nge chin theih tihte ngun taka zirna tur chungchang ngaihtuah ho a nih tur thu a sawi a ni. 

He hna thawktu tur M/s Theta Enerlytics Pvt. Ltd., New Delhi Chairman Colonel Anil Kumar Mehta (Rtd) chuan Digital Agricultural Mission kaltlang hian mizorama loneitute nasa zawka hma an sawn theih a beiseiawm thu a sawi a, hmalakna hmasa ber atan Serchhip District chu thlan a ni, a ti a. He hmalakna hnuaiah hian loneitute dinhmun chiang taka zirin, an ram awm dan azira an hmalak dan turte enpui tur an nih thu a sawi a. Department hrang hrang- Sericulture, Horticulture, AH & Vety leh Soil and Water Conservation Department hnuaia loneitute hmunhma chu Drone hmanga en a nih tur thu a sawi a ni. 

Surey atan inbuatsaih nan hian naktuk ni 8 January, 2025 hian heng Department a thawktu tan hian DC Pisapui hall ah training buatsaih a ni ang. 

Meetingah hian Addl DC Pu Lalrinzual, SDO(S) Pi F. Lalnisai, SO Pu Gaston vanlalhriatpuia, SDC Dr. C. Vanlalchhanchhuahi bakah Sericulture, Horticulture, AH& Vety leh Soil and Water Conservation Department hotute an tel a ni.