Deputy Resident Commissioner, Mizoram House, Bangalore Pu K.O. Ajay Kumar hnen atanga thu dawn danin tunah chuan Bangalore boruak hmarchhak zirlaite tan a muanawm in ngai a awh tawh a.Mizo Zirlaite pawh Hostel leh mimal inluah ah an let leh tawh a ni a ti.

Bangalore a Mizo Zirlai awmte pawhin Bangalore Police lalber Pu Lalrokhuma Pachuau, DGP an neih avanga hmarchhak mipui zawng zawng in an thlamuanpui thu an sawi a. Pu K.O. Ajay Kumar, Deputy Resident Commissioner, thawhrimna leh inpekna te, Zoram kohhran zawng zawng in an tawngtaipuina te, chanchinbu mite boruak timuanawm zawng a an thawh hlawk dan te chungah lawmthu an sawi a.

Chief Minister Pu Lal Thanhawla’n Prime Minister hnena a hmalakna leh anmahni thlamuan tura Health Minister Pu Lalrinliana Sailo leh MLA Pu John Siamkunga a tirh avanga an lawmthu leh an thlamuan pui thu an sawi bawk.