Sumdawnna atan Private Hospital/Private Educational Institution/Hotels/Restaurants/Tea Stalls ten Domestic LPG an hmang hi phal loh a ni a. (Liquified Petroleum Gas (Regulation of Supply and Distribution) Order 2000 Section 3 (i)(c) kalh tlat a ni). Heng sumdawnna hmunah te hian Commercial LPG Cylinder chauh hman theih a ni.

IOC inkaihhruaina dan dinglai angin heng a hnuaia mite chauh hi Domestic Cylinder hman phal sak te an ni.

1. Sorkar/Municipal Damdawi Inah te.

2. Midday Meal Scheme (Naupang chhun chaw) hmanna sikul, college leh Hostel ah te.

3. Sorkar office canteen neite (sorkar tih hian Central, State leh Corporation) hrang hrang leh Govt. Guest House te a huam a ni.

4. Police, BSF, CISF leh sorkar venghimtu pawl hrang hrangte ei leh in (mess) a hman atan.

5. Cooperative Society Act in a phalna hnuaia Canteen siamte.

6. Sikul, College leh Research Institute ten Laboratory a an hman atan.

7. Societies Act, Bombay Public Trust Act of 1950 dan hnuaia mite tanpui tura pawl inziak lutte tan.

Khing a chunga sawite nilo dan lo anga Domestic LPG Cylinder hman hian Domestic Customer pangai te chan tur a pawt hek a. Chuvangin tupawh hetianga non-Domestic customer nilo leh a chunga phalsak ni lovin Domestic Cyliner an hreng anih chuan, chung institution te chu a rang lama hriattir vat turin ngen in ni e.