236/2022-2023
Aizawl, 22nd April, 2022 : Vawiin khan Bangladesh Commerce Minister Pu Tipu Munshi leh a thuihruai official mi pariat te chuan Aizawl an rawn thleng a, Bangladesh Minister hi Commerce & Industries Minister Dr. R. Lalthangliana leh official pawimawh dangten Lengpui Airport ah an lo hmuak a ni.

Pu Tipu Munshi a hi Dr. R. Lalthangliana’n a sawmna angin zan thum riak turin a lo kal a, Bangladesh Minister leh Dr. Thangtea hian Mizoram ramri a Bangladesh nena insumdawntawna tur Border Trade hmunhma te enhona ‘Joint Verification Visit’ an nei dawn a. Naktuk April 23 hian Silsuri a Border Haat hmun tur leh Kawrpuichhuaha Integrated Check Post (ICP) hmun te an tlawh dawn a ni.

April ni 25, 2022 (Thawhtanni) hian Chief Minister Pu Zoramthanga nen an inkawm dawn bakah Press Conference a nei ang a, hemi hnu hian Mizoram chhuahsanin a haw ang.