State Bank of India, Lead Bank Office, Aizawl chuan Deputy Commissioner, Aizawl District, Aizawl leh Department of Labour & Employment, Government of Mizoram-te nena inthurualin Organised Sector leh Un-organised Sector a worker-te leh mipui nawlpuite tan Bank Account hawnna runpui “Grand Bank Account Opening Mela” chu Vanapa Hall, Aizawlah November Ni 30, 2016 (Nilaini) zing dar 10:00 a.m. - 4:00 p.m. chhung hian an buatsaih dawn.

Bank account hawng duh apiangte chu KYC document - Aadhaar card/ VoterlD /Ration card leh Passport-size photo copy 3 nen kengin kal tur a ni a, Aizawl a Bank awm hrang hrang 26 Axis Bank, Bandhan Bank, Bank of Baroda, Bank of India, Bank of Maharashtra, Canara Bank, Central Bank, Federal Bank, HDFC Bank, ICICI Bank, IDBI Bank, Indian Overseas Bank, Induslnd Bank, MC Apex Bank, Mizoram Rural Bank, MUCO Bank, Punjab National Bank, Punjab & Sind Bank, State Bank of India, South Indian Bank, Syndicate Bank, UCO Bank, Vijaya Bank leh Yes Bank-ten Counter siamin mipuite tan bank account an hawng dawn a ni. Pawisa nei remchang lote chu ZERO balance-in account hawn sak tura ruahman a ni.

He Account opening camp hi India sorkar, Ministry of Finance, Department of Financial Services, New Delhi hmalakna a tih a ni a, Bank account la nei lo zawng zawngten he hun hi remchangah la a bank account hawn nan hmang theuh turin SBI chuan a sawm a ni.