Nimin chawhnu dar 1:30 khan Baptist Higher Secondary School Golden Jubillee ( 1961 - 2011 ) Lawmna Tuckers Hall-ah  hman a ni a,  Pu P.C.Lalthanliana, Minister, LAD, etc. chu khuallian a ni.

Khuallian  chuan thusawiin tisa mai bak ah thlarau lam a inkaihhruaina tha ber leh chhuanawm ber a ni a, kan kohhran te hian zirna ah contribution tha tak min pek a vang in lawmthu a sawi a, sawrkar school te an tlahniam lutuk hi zirtirtute vang a ni a, thildang ngaihtuah paha an zirtir thin a vang in naupang ten hlawhtlinna an hmu thin lo a ni. Mizoram ah sawrkar hna a in daih tawh lova chu vangin tum fel tak leh hma zawn thlir chung a thiamna sang bik nei a central service a lut tur a in buatsaih tur in a chah bawk a ni.

Khual zahawm Pu S.Laldingliana, Parliamentary Secretary pawh in thu sawiin Mizoram a school tha ber pawl anih avangin lawmthu a sawi a, tunlaia education quality chhe ta lutuk hi siamthat a exam a ti tha ringawt lovin quality tha nei turin zirlai te a chah bawk a ni. Pu Joseph Lalhimpuia,  Vice Chairman, HPC pawhin thu sawiin sap missionary inpekna leh an thawhrimna avangin zofa ten zirna lam ah hma kan sawn ta hle a, he school hian ram hruaitu, sawrkar officer leh kohhran hruaitu tam tak a lo chherchhuak tawh a, chhim lam hi zirna lam ah a tlahniam sawt hle a, hemi siamthat kawng ah hian kan tanrual a ngai a ni a ti.

Inkhawm hi Pu C. Lalhmingmuana, Principal, BHSS ikn kaihruaiin Dr Thanzauva leh Dr Liantluanga te pawh in thu sawiin tlai ah ruai theh nghal a ni.