Zan khat riaka lokal, Barak Valley, Assam atanga Peace Mission Team chuan nimin khan Chief Minister Pu Lal Thanhawla chu a office ah an hmu.
eace Mission Team leader Sharif Laskar, Co-ordinator & Gen Secretary, AICC for North East chuan an lo kal chhan ber chu, tlem laia deuha Mizoram leh Assam border, Hailakandi District leh Kolasib District ramri, Dholchhora a thil thleng avanga Mizoram Police ten Assam mi 50 vel an man chungchang thu a ni, a ti a. Boundary thubuai hi a awm reng chungin, Barak Valley mipuite leh Mizo te hi inngeih tlang tak leh inpawh taka awm hi kan duh ber a ni a ti a. Hetiang boruak tha a awm theih nan leh Barak Valley chhehvela pawikhawihna neuh neuh awm thin tihbo anih theih nan High Power Committee din nise tih rawtna te an siam a ni. Heng bakah hian kawng hrang hrangah Pu Hawla hian hma la se tih rawtna an nei bawk a. Chungte chu, Lumding atanga Silchar thleng Railway Broad Guage line siam mek chu tluang taka zawh anih theih nan leh Silchar leh Aizawl ( Lengpui ) inkar thlawhna service te a ni.
Chief Minister Pu Lal Thanhawla chuan kan thenawm state dep, Assam, Tripura leh Manipur te nen hian inngeih taka awm hi kan duhthlan ber a ni, a ti a. Hemi awm thei tur hian cultural exchange programme te leh infiamna lamah te kan in pawh a tul thu a sawi a. Thil kan vei zawngte leh kan duh dante kan inhrilh tawn hian kan inkungkaihna a ti phuisui thei a ni a ti a. Tripura, Manipur leh Barak Valley te nen hian harsatna lian tham kan nei ngai lova, engemaw mi tlemte, pawikhawih hmang ten thil duhawm lo an ti tih mai lo chu tiin a sawi a ni. Chief Minister chuan a thu hrimin, harsatna leh inhritthiam lohna awm thei reng reng pumpelh hi a tum ngar ngar thin a ni a ti.
Journalists lokal tena an zawh, engtinnge ramri buaina hi chinfel anih theih ang tih chu, Pu Lal Thanhawla chuan, a pakhatna ah chuan central sorkarin hmalakna a neih hma emaw ramri a chinfel hma chuan tuna kan awm dan anga awm (status quo maintain) rih, pahnihna ah chuan ramri a awm ten innghirnghona boruak siam loh leh kan Forest official te leh kan police te ve ve in, midangte tibuai lo tura khuahkhirh a ni a ti. Harsatna leh buaina kan neihte reng reng chu, keini democracy ramah chuan tharum tello, muanna hmangin a chinfel dan kan dap zel tur a ni a ti.
Peace Mission Team member lokal te hi Silchar base journalists lian bikte leh TV Channel pahnih te an ni
Chief Minister Pu Lal Thanhawla chuan kan thenawm state dep, Assam, Tripura leh Manipur te nen hian inngeih taka awm hi kan duhthlan ber a ni, a ti a. Hemi awm thei tur hian cultural exchange programme te leh infiamna lamah te kan in pawh a tul thu a sawi a. Thil kan vei zawngte leh kan duh dante kan inhrilh tawn hian kan inkungkaihna a ti phuisui thei a ni a ti a. Tripura, Manipur leh Barak Valley te nen hian harsatna lian tham kan nei ngai lova, engemaw mi tlemte, pawikhawih hmang ten thil duhawm lo an ti tih mai lo chu tiin a sawi a ni. Chief Minister chuan a thu hrimin, harsatna leh inhritthiam lohna awm thei reng reng pumpelh hi a tum ngar ngar thin a ni a ti.
Journalists lokal tena an zawh, engtinnge ramri buaina hi chinfel anih theih ang tih chu, Pu Lal Thanhawla chuan, a pakhatna ah chuan central sorkarin hmalakna a neih hma emaw ramri a chinfel hma chuan tuna kan awm dan anga awm (status quo maintain) rih, pahnihna ah chuan ramri a awm ten innghirnghona boruak siam loh leh kan Forest official te leh kan police te ve ve in, midangte tibuai lo tura khuahkhirh a ni a ti. Harsatna leh buaina kan neihte reng reng chu, keini democracy ramah chuan tharum tello, muanna hmangin a chinfel dan kan dap zel tur a ni a ti.
Peace Mission Team member lokal te hi Silchar base journalists lian bikte leh TV Channel pahnih te an ni
