Mizoram Football Association-in Charity Football Match Nigerian XI leh Mizoram XI te inkhelhna AR lammual-a vawiin chawhnu a an buatsaihah Chief Minister Pu Lal Thanhawla chu khuallian a ni.
Chief Minister chuan MFA in tanpui ngaite tana Charity Football Match buatsaih na chang an hria chu lawmawm a tih thu a sawi a. Association te hi kan kal thui tawh hle a, kan changkang chho zel bawk a, kan kal chhoh leh zelna turah kawng engkimah mahni inthununna kan ngai pawimawh reng tur a ni a ti. Khelmual kan nei tha lo tih hre chungin sorkar-in standard football ground a tam thei ang ber kan siam dawn a, a bul kan tan nghal mek bawk a ni a ti. thalaite tana khawvel thar kan siam turah hian thalaite pawh an in buatsaih chhoh a tul a ni a ti.
Pu Hawla chuan kangmei tuar tanpui ngaite tana tanpuina pe tute zawng zawng hnenah lawmthu a sawi bawk a ni.
He Charity Football Match hi kangmei avanga chhiat tawkte hnenah leh nunna chan ta te chhungte hnenah sum hmuh zawng zawng hi a bo a bang awm lovin hlan a nih tur thu MFA President leh inkhel buatsaihtu Chairman Wing Commander J. Lalhmingliana’n a sawi a ni.
He Football Match buatsaih a nih theih nana a bultumtu Pu Lalthanzara, Parliamentary Secretary pawh a tel ve a ni.
Pu Hawla chuan kangmei tuar tanpui ngaite tana tanpuina pe tute zawng zawng hnenah lawmthu a sawi bawk a ni.
He Charity Football Match hi kangmei avanga chhiat tawkte hnenah leh nunna chan ta te chhungte hnenah sum hmuh zawng zawng hi a bo a bang awm lovin hlan a nih tur thu MFA President leh inkhel buatsaihtu Chairman Wing Commander J. Lalhmingliana’n a sawi a ni.
He Football Match buatsaih a nih theih nana a bultumtu Pu Lalthanzara, Parliamentary Secretary pawh a tel ve a ni.
