Vawiin khan Mizoram Home Guard Administrative Building thar, MRHG Headquarters, Chawlhmun-ah Home Minister Pu R. Lalzirliana’n a hawng a. Hawnna inkhawmah hian Mizoram DGP Pu Lalrokhuma Pachuau, IPS leh Mizoram Police officials pawimawhte bakah Aizawl West-II bialtu MLA Pu Lalduhoma te an tel a ni.
Building thar hawn lawmna inkhawmah Khuallian Home Minister chuan thu sawiin Mizoram Home Guard volunteer-te chu India rama Home Guard sawrkawrin a chhawr nasat ber an nih a rin thu leh hei hian an hnaa an inpekzia a tilang chiang hle a ni, a ti. MRHG hi Central Policy zuia Home Guard Act hnuaia din a ni a, chuvangin Central sawrkar nen inberem zel loh chuan state sawrkarin duh ang anga thil tih theih a ni loh thu a sawi a. Mizoram sorkar chuan MRHG volunteers te hamthatna tur thil hrang hrang ngaihtuah tul a tih thu sawiin Home Minister chuan Aizawl West-II Bialtu MLA Pu Lalduhoma’n Home Guard te hmasawnna tura Private Resolution a put luh chu Mizoram State Assembly-ah an passed tawh thu a tarlang. MRHG chu mumal zawka an kal theih nan leh hamthatna tam zawk an neih nan Mizoram Home Guard Act 1988 Amendment leh chumi zulzuia dan (rules) te pawh Law Department-in an zirchian mek thu a sawilang a. Tuna Congress sawrkar thuvawn laimu pawimawh ber pawl ‘corruption tihbo’ chu khauh taka kalpui a nih tur thu sawiin Home Minister chuan supply leh thil dangah hlemhletna tel lo administration putchhuah an tum thu leh hemi kawngah pawh Home Guard ten sawrkar an thlawp ngei tura beisei an ni, a ti. Sawrkawrin a hnathawktute Uniform a pekna chhan chu discipline leh nungchang mawi siamchhuah nan a ni a, chuvangin Home Guards te chu an uniform te chhuanga, mipuite zahtlakin an nunchang an siam a pawimawh a ni tiin a fuih.
Mizoram Home Guard Commandant General Pu Lalsangzuala Sailo chuan administrative building hawn tak hi Rs.27,89,000/- (Police Modernisation Fund atanga 5%) hmanga sak a nih thu a sawi bakah MRHG volunteers hamthatna tur thil sawrkar laka an beiseite chu Home MInister hnenah a thlen a ni.
Mizoram Home Guard hi Assam Home Guard hnuaiah ni 6.12.1971-ah din a ni a, ni 6.3.1972-ah Mizoram Home Guard tih hming vuah a ni a. Chutih laia IGP Brig. APG Kurup chu ex-officio Commandant General turin appointment pek a ni a. Sipai bang offcier leh midang tam tak rawih belh a ni bawk a, ni 8.8.1987 atangin Mizoram Sawrkar Home Department enkawlna hnuaiah department hrangin a awm ta a ni. Tunah hian MRHG hnuaiah hian Field Staff 153, Volunteer 1033 awmin Unit 3 - Headquarters, CTI (Sesawng) leh District - ah then a ni a. Mizoram hmun 76 - sorkar office pawimawh bakah Central Jail, District Jail, State Bank of India, MULCO, etc. - ah te venhimna hna chhun zan zawmin an thawk mek a ni
Mizoram Home Guard Commandant General Pu Lalsangzuala Sailo chuan administrative building hawn tak hi Rs.27,89,000/- (Police Modernisation Fund atanga 5%) hmanga sak a nih thu a sawi bakah MRHG volunteers hamthatna tur thil sawrkar laka an beiseite chu Home MInister hnenah a thlen a ni.
Mizoram Home Guard hi Assam Home Guard hnuaiah ni 6.12.1971-ah din a ni a, ni 6.3.1972-ah Mizoram Home Guard tih hming vuah a ni a. Chutih laia IGP Brig. APG Kurup chu ex-officio Commandant General turin appointment pek a ni a. Sipai bang offcier leh midang tam tak rawih belh a ni bawk a, ni 8.8.1987 atangin Mizoram Sawrkar Home Department enkawlna hnuaiah department hrangin a awm ta a ni. Tunah hian MRHG hnuaiah hian Field Staff 153, Volunteer 1033 awmin Unit 3 - Headquarters, CTI (Sesawng) leh District - ah then a ni a. Mizoram hmun 76 - sorkar office pawimawh bakah Central Jail, District Jail, State Bank of India, MULCO, etc. - ah te venhimna hna chhun zan zawmin an thawk mek a ni
