Mamit District chhunga Village Council te chuan nimin ni 18.9.2013 chhun dar 12:00 khan LAD Conference Hall, Mamit-ah Development scheme thar Rajiv Gandhi Panchayat Sashaktikaran Abhiyan (RGPSA) zirhona leh he scheme atana Village Database Survey an khua theuha neih dan tur training neih a ni.

Pu P.H Rualzakhuma DLAO, Mamit chuan training hi pe-in Rajiv Gandhi Panchayat Sashatikaran Abhiyan (RGPSA) hi sawrkar laipuiin Village Council ten khawtlang hmasawnna tura hna an thawh na tura ruahmanna thar a nih thu a sawi a. Hei hi State dangte pawhin an lo hmang tawh a. He Scheme ah hian India hmarchhak a mite chu duhsak bik kan nih dante a tarlang a, kan khawtlang dinhmun dik tak kan hriat theih nan Survey chu V/C tinte uluk taka ti tura chahin Department dangte tan pawha innghahna tlak leh rintlak a survey hi kalpui turin a chah bawk a ni. Survey Report hi tunthla ni 30 hma a District DLAO Office a thehlut vek turin V/C te hriattir an ni bawk a ni.

He training-ah hian Mamit District chhung V/C 85 tangin Village Council President leh Secretary te an tel a ni.