Vawiin khan DRDA Conference Hall Mamit-ah District Vigilance & Monitoring Committee Meeting chu Chairman Pu C.L Ruala MP Lok Sabha kaihhruaina in neih a ni.

Chairman Pu C.L. Ruala MP. Lok Sabha chuan kumin chhunga Meeting kan neih hnuhnun ber tur a nih tawh hmel a. Bialtu MLA te tha tak leh kokim taka an lo kal theih avangin lawmawm a tih thu a sawi a. He meeting avanga hmun tam takah hna tha leh tlo, mawi leh nalh zawk kan lo hmuh thei ta te leh Official ten kan ngai pawimawh em avanga ram hmelhmang a lo dang ta hi a lawmawm tak zet a ni a ti.

Pu K. Lalhmingliana PD DRDA in MGNREGS, IAY, IWDP atanga pawisa dawn zat leh hmanral dan report a pe- a Kum 2013-2014 chhungin Job Card Holder 19898 te hnenah ni 46 inhlawhna pek an nih tawh thu leh, Mizoram a pe hnem ber District an nih thu te, IAY insak tanpuina chhungkaw 152 te hnenah Rs 75,000/- theuh pek an nih thu te, IWMP hnuaia atangin mirethei huan nei te hnenah Rubber leh thlai chi tha pek an nih thu te ngaihthlak a ni a. Heng bakah hian Scheme hrang hrang TSG,RGGVY,PMGY,NSAP,RSP etc te thlir ho a ni bawk.

Chairman in Pu John Rotluangliana Deputy Speaker leh Pu V.L Robiaka MLA te a bik taka thusawina hun nei turin a sawm a. Pu V. Lalremthanga IAS District Bawrhsap Mamit in member lokalte hnenah lawmthu sawina hun a nei bawk.