2624/2025-2026
Dated Serchhip, the 11th December, 2025: Art & Culture Department leh North East Zone Cultural Centre, Dimapur, Ministry of Culture, Govt of India tangkawpin Border Area Meet & Bharat ko Janno - a Chain Yatra Programme chu December ni 10 leh 11, 2025 khan Bawktlang leh North Vanlaiphaiah buatsaih a ni a.
Chain Yatra Programme hi December ni 10-khan Bawktlangah neih hmasak niin, Pu H. Lalduata, Additional SP, Serchhip hoin hun hman a ni a. A ni hnihna chu Supply Tlang North Vanlaiphai ah neih leh niin Dr. Peter Malsawmtluanga SDO (Civil) N. Vanlaiphai chuan khuallian niin hun a hmanpui a; he hun hmannaah hian khuallian chuan hnam ziarang humhalh a pawimawh thu sawiin hmasawn zawnga hmalam pen zel turin kalkhawmte a chah a, state danga kan unaute nen kan hnam zia leh chin dante, hnam hrang hrangte inhrilh tawnna hun a ni tih hriaa hmang tangkai turin a chah a ni.
He hun hmang tur hian Mizoram pawn - Assam, Madhya Pradesh, Manipur & Nagaland atangtein cultural artiste member 46 an rawn tel a; Bawktlang, North Vanlaiphai YMA branch 5 leh Joint YMA North Vanlaiphai ten Mizo lam hrang hrangte an entir a ni.
Bharat ko janno hi Discover Northwest hming puin 2006 khan hman tan a ni a, Mizorama district hrang hrangah hetiang programme hi vawi 8 huaihawtna niin, ram leh hnam inpumkhatna atan programme pawimawh tak a ni.
